VOV4.M'nông: Nar ntri (16/5), tâm nchră kruanh gưl têh APEC tâl 2 (SOM 2) n'hanh ăp tâm nchră geh tât lăp pơh pah kan tâl 2 ƀư ta Thái Lan. Ngoăy tâm ăp nkô̆ khlay tâm nchră lah tâm rkhăch trong nchrăp "Rnoh tât Băng Cốc mpeh wăng sa kloh uĕh- sĭt jêng tay- sinh học" tĭng nău dăn đă bah nuĭh tơm jay Thái Lan. Trong nchrăp tâm nchră dơi Thái Lan ntrŏng an ƀư khlay lor gay pơk luh "ăp trong tâm boh, buăt nthoi ăp njônh njănh n'hanh tâm ban ta ăp trong kan”, tâm di đah trong nchrăp dâk kan an ƀư jong ngai APEC tât năm 2040. Tâm rnôk tâm nchră SOM 2 n'hanh ăp tâm nchră geh tât, ăp kruanh gưl têh n'hanh nuĭh rnâng kan wăng sa tât bah ăp dak lăp kan nsum APEC mbra tâm nchră ăp trong nkra êng êng gay ntrŭt ntrôl ngăch tăch rgâl n'hanh ntuh kơl, pơk hvi tâm rnôk bah kơi Covid-19 nsing tâm nău têh wăng sa "Rnoh tât Băng Cốc mpeh wăng sa kloh uĕh- sĭt jêng tay- sinh học" bah Thái Lan./.

Nuĭh rblang: Điểu Thân