VOV4.M'nông: Ntơm bah nar 13/6 tât nar 17/6, ta Nhih pah kan Liên hợp Quốc ta Niu Yóoc, Hoa Kỳ, hŏ ƀư tâm nchră tâl 32 Ăp dak lăp kan nsum Công ước Liên hợp quốc năm 1982 mpeh Luật dak lêng (UNCLOS). Nar 16/6, ăp đại biểu hŏ tâm nchră mpeh nău mbơh bah Tổng Thư ký Liên hợp Quốc mpeh ăp nkô̆ nău geh tât dak lêng n'hanh ntŭr dak lêng, nău kan bah ăp nhih pah kan Liên hợp Quốc n'hanh tâm boh dak bah dih tâm năm rlău aơ. Lah ta rnôk tâm nchră, Đại sứ Đặng Hoàng Giang, Kruanh mpôl đă hăn kan Việt Nam ta Liên hợp Quốc lah rjăp UNCLOS lah nău tâm di rgâl ăp nău kan ta dak lêng n'hanh ntŭk nsing tâm di gay ntrŏng năl du trong lam lĕ rngôch, ăp tŏng n'glĕ nău dơi ring tam nkual dak lêng bah ăp dak. Geh tât nô nău dak lêng, Đại sứ Đặng Hoàng Giang an lah nău đăp mpăn, hun hao bah nkual n'hanh băl mpôl lam ntŭr neh nkre đah nău mât đăp mpăn, rnă njrăng, dah rŏng nchuăn rdeng dak lêng n'hanh trong trôk ta dak lêng tă bah ntŭk gŭ khlay bah nkual dak lêng dja./.

Nuĭh rblang: Điểu Thân