VOV4.M’nông - Lơ 8/2, rơh tâm nchră hạt nhân Iran dơi nthoi tay ta Viên, Áo. Yơn lah, bah năp rơh tâm nchră Iran n’hanh Mỹ geh âk nău ƀư êng êng, tâm rnôk Mỹ kuăl jă ăp ding jêh tâm ton, ri Iran kuăl jă tay Mỹ rơih jăng ăp nău rmal gay geh du tâm ton ngăch. Tâm ntrong nchih ta tuýt-tơ, nuĭh ntoh ngơi N’gâng kan tâm rnglăp nchră nău Mỹ kuăl jă ndal ntrŭt jêh du tâm ton an tâm nchră aƀaơ ta Viên, (Áo) geh tât bôk nău kan hạt nhân bah Iran. Tâm rnôk nĕ, ndrel nar, nuĭh ntoh ngơi N’gâng kan tâm rnglăp nchră nău Iran an gĭt, âk nău đă bah Iran mpeh nău rơih jăng ăp trong rmal bah Mỹ tât aƀaơ mô hŏ dơi mkra. Mpeh Iran mbra nsrôih dơi geh du tâm ton ngăch đah du nău ƀư ngăn ngên.

Nuĭh rblang: Y Sưng Phê Ja