VOV4.M’nông – Groi Thủ tướng, Kruanh N’gâng kan tâm rnglăp nchră nău Thái Lan Don Pramudwinai mhe aơ lĕ mâp Đặc phái viên bah Tổng thư ký Liên hợp quốc mpeh Myanmar Noeleen Heyzer. Ta rơh mâp, Groi Thủ tướng, Kruanh N’gâng kan tâm rnglăp nchră nău Thái Lan lah rjăp Thái Lan geh uĕh tâm nău ntrôl tâm rnglăp, đăp mpăn ta Myanmar, yor nĕ dak aơ nchrăp tâm rgop đah ASEAN, Liên hợp quốc n’hanh nsum mpôl lam ntŭr neh gay rdâk hao đăp mpăn n’hanh kơl joi ăp trong mkra nâp nâl an nu nău ta Myanmar. 2 ding tâm ban ŭch kuăl jă lĕ rngôch ăp ding ta Myanmar n’hŭch duh hao, dêr ăp nău tâm lơh n’hanh nsrôih joi trong mkra tă bah tâm nchră, pơk trong an rơh săch lĕ rngôch tâm năm tât.

Nuĭh rblang: Y Sưng Phê Ja