VOV4.M’nông: Thái Lan dôl ma ŭch tâm nchră ma Chính phủ Lào ndrel Trung Quốc gay ma tâm boh ân nâp lơn mpeh nau nchuăn rdeng ndơ ndơ, đah nau ŭch ntrŭt dăng nau kan tăch luh play sa. Groi Thủ tướng nkre N’gâng kan tăch rgâl bah Thái Lan Xu-xin lơ 10/1 mbơh, lah tâm nchră dơi geh jêng ngăn ri mra kơl an n’hao prêh lơn tay nau kan tăch rgâl bah nkuăl n’har bri đah Thái Lan ndrel Lào kŏ kơt lah Trung Quốc. Kruanh n’gâng kan tăch rgâl bah Thái Lan dôl pah kan mpeh “ntrong ƀư nau kan tăch rgâl tâm nkuăl n’har bri” gay ntrŭt dăng nau kan tăch rgâl bah bar ding n’har bri ma nau tơm lah nau tât bah bôk nau kan nkra trong loih Lào-Trung Quốc, hŏ geh leo lăp dŏng tâm lơ 3/12 mhe rlau. Wa Xu-xin kŏ ŭch ndăn ân ueh nau dơi bah trong loih Lào-Trung Quốc gay ma nchuăn rdeng âk ntil ndơ lơn tât đah Trung Quốc./.

Nŭih rblang: H’Thi