VOV4.M’nông- Mpôl kan dak si Thái Lan lĕ geh mbơh nău nchrăp 4 njoat kan gay ma rgâl rơh uănh Covid-19 lah nău ji way ơm geh bâh nar 1/7 tay. Ta rơh rƀŭn nchră yor Ủy ban ngih dak mpeh nău ji tâm ntưp, nău nchrăp kan 4 njoat gay ma rgâl Covid-19 jêng nău ji way ơm geh lĕ dơi mbơh an. Nkô̆ ŭch bâh nău nchrăp kan lah dơi mât njrăng ăp rơh n’hao rnoh nuĭh ntưp n’hanh khĭt yor ntil rgâl săk Omicron nkre lah mât đăp mpăn neh dak mbra uănh Covid-19 kơt lah nău ji way ơm geh. Groi Thủ tướng nkre kan kruanh n’gâng kan dak si Anutin Charnvirakul an gĭt, nău ntrŭnh aơ gay ma kơl an n’gâng kan wăng sa Thái Lan ndâk nsơm lôch nuh srê tâm ban kơt mât ueh săk soan nuĭh ƀon lan đah trong kan ƀư tĭng ăp trong kan tâm di lơn đah aƀaơ.

Nuĭh rblang: Thị Đoắt