VOV4.M'nông: Tổng thống Thổ Nhĩ Kỳ Recep Tayyip Erdogan nduih lah ăp dak hun hao mô geh dơn nău kan đah rơh duh jêr nuĭh nchuăt du der lam ntŭr neh. Nău lah dja nkhêp geh nar nuĭh nchuăt du der lam ntŭr neh, wa Erdogan an lah, mbăk anh jâk ngăn nkô̆ nău nuĭh ntrơn du n'hanh nchuăt du der dôl mbăk anh jâk an ăp dak tâm nkual, tâm nê geh Thổ Nhĩ Kỳ mô di lah ăp dak hun hao. Tổng thống Thổ Nhĩ Kỳ an gĭt: “Tĭng rnoh nchih bah Liên hợp quốc, ăp dak geh wăng âk rĭng geh 2,7 nuĭh nchuăt du der tâm rlău 1.000 nuĭh, tâm rnôk ăp dak geh wăng sa đêt rĭng geh 5,8 nuĭh nchuăt du der". Kruanh rđău kan Thổ Nhĩ Kỳ mbơh njrăng lor nkô̆ nău nuĭh nchuăt du der lam ntŭr neh hŏ tât rnoh mô hŏ tă geh kơp ntơm bah rơh tâm lơh lam ntŭr neh tâl 2. Thổ Nhĩ Kỳ, neh dak 84 rkeh nuĭh, hŏ dơn rlău 3 rkeh 600 rbăn nuĭh nchuăt du der kơp ntơm bah rnôk ntoh tâm lơh ta Syria năm 2011.

Nuĭh rblang: Điểu Thân