VOV4.M’nông- Nar 28/6, ntoh ngơi lôch rơh tâm mâp 3 nuĭh leo kan Thổ Nhĩ Kỳ, Phần Lan n’hanh Thụy Điển, Tổng thư ký NATO Gien Xtôn-ten-bớc (Jens Stoltenberg) an gĭt, Thổ Nhĩ  Kỳ mbra mô geh dun nău nsrôih lăp kan ndrel ta rmôt kan aơ bâh Phần Lan n’hanh Thụy  Điển lôch rnôk pe ngih dak aơ ŭch an mât đăp mpăn rnă njrăng ndrel. Phần Lan n’hanh Thụy Điển ton kơl an Thổ Nhĩ Kỳ rdâng tay đah ăp nău ntêt nkri rnă njrăng ngih dak. Tâm rnôk nĕ, Thổ Nhĩ Kỳ ŭch kơl an Phần Lan n’hanh Thụy Điển lăp kan ta NATO. Săm ƀŭtdăn lăp kan ta NATO bâh Thụy Điển n’hanh Phần Lan mbra geh tâm nchră ta rơh rƀŭn nchră gâl têh NATO ta Madrid dak Tây Ban Nha. Tĭng nău way bâh NATO, an geh nău tâm ban ŭch bâh lĕ rngôch 30 ngih dak gay ma nta nău dơh nơih an 2 ngih dak Bắc Âu aơ.

Nuĭh rblang: Thị Đoắt