VOV4.M'nông: Thủ tướng Ấn Độ Narendra Modi mbra hăn khâl ngăn pe dak Châu Âu lah Đức, Đan Mạch n'hanh Pháp ntơm bah nar 02-04/5 tât. Aơ lah hăn khâl jong nar tât dak bah dih lor bôk năp bah kruanh rđău kan Ấn Độ tâm năm aơ (2022). Tâm rnôk hăn khâl, Thủ tướng Narendra Modi mbra geh rơh tâm nchră bar ding đah kruanh gưl têh bah pe dak dja. Hăn khâl ƀư tâm rnôk Ấn Độ dôl ƀư nkah ndray 75 năm nar njêng tâm boh đah Pháp tâm năm 2022 n'hanh nkre ƀư nkah ndray 70 năm njêng tâm boh đah Đức tâm năm e nơh (2021). Hăn khâl lah rnôk gay ăp ding ntrôl dăng tâm boh âk trong kan, tâm ban kơt tâm ôp nău mĭn mpeh ăp nkô̆ nău nkual n'hanh lam ntŭr neh ndrel uănh khlay./.

Nuĭh rblang: Điểu Thân