VOV4.M’nông- Thủ tướng Ấn Độ Narendra Modi mbra tât khâl Tokyo n’hanh tât râng rơh rƀŭn nchră gâl têh ăp nuĭh leo kan rmôt poăn dak geh “Mỹ, Ấn Độ, Nhật Bản, Australia), geh ƀư ta nar 24/5 tay. Aơ lah rơh rƀŭn nchră gâl têh tal poăn bâh nuĭh leo kan rmôt 4 dak kan  kơp bâh ntơm geh rơh tâm mâp sŏng dăng bôk năp ta rnôk khay 3/2021. Ta rơh rƀŭn nchră, ăp nuĭh leo kan mbra uănh n’hêl nău ngăch mbơh ƀư ăp nău mĭn kan bâh rmôt 4 dak, nkre lah uănh năl ăp trong kan tâm kơl mhe n’hanh ndơ̆ tât nău mpŏng kan tơm khlăy an nău tâm kơl tâm let năp tay. Ta rơh tât khâl, nuĭh leo kan Ấn Độ mbra geh ăp rơh tâm mâp bar ding đah nuĭh leo kan ăp dak rmôt 4 dak gay ma uănh năl mpeh ăp nău tâm boh kan ndrel đah ăp ding, tâm ban kơt tâm mbơh mpeh nău mĭn ăp nău lam ntur neh n’hanh ta nkual.

Nuĭh rblang: Thị Đoắt