VOV4.M'nông: Ôi 21/4, Thủ tướng Anh Boris Johnson hŏ tât nkual ƀon têh Ahmedabad, bang miền Tây Gujarat, ntơm hăn khâl Ấn Độ 2 nar. Tĭng bôk nău kan, wa Johnson mâp đah kruanh ăp doanh nghiệp gay tâm nchră mpeh nău săk geh tâm boh mpeh tăch rgâl, ntuh kơl n'hanh tâm nđŭr ƀon lan Anh n'hanh Ấn Độ. Aơ lah lor bôk năp du hê Thủ tướng Anh tât khâl bang Gujarat - lah ƀon tơm bah du n'gul rnoh nuĭh Anh tơm Ấn Độ. Lôch sĭt bah Gujarat, Thủ tướng Anh Johnson geh ăp rơh mâp gưl têh đah ăp kruanh rđău kan Ấn Độ ta thủ đô New Delhi. Nkô̆ rơh tâm nchră đah 2 thủ tướng Anh n'hanh Ấn Độ mbra rgum tâm boh têh jong mpeh njrăng n'gang neh dak, tâm boh tâm brê n'hanh wăng sa đah bar ding, n'hanh ntrŭt ntrôl tâm boh rnă njrăng ta nkual Ấn Độ Dương - Thái Bình Dương./.

Nuĭh rblang: Điểu Thân