VOV4.M’nông: Ndơn geh 211 phiếu kơl an rđil 148 phiếu rdâng tă bah ăp nŭih kan tâm đảng Bảo thủ, Thủ tướng Anh Boris Johson măng 6/6 hŏ rlet rlau geh rơh nklăch phiếu ndơn nau kan tâm đảng Bảo thủ gay lŏ mât ƀư nau rđau kan bah đảng aơ kŏ kơt lah ntŭk ƀư kan Thủ tướng Anh. Aơ geh uănh lah du nau dơi têh, kơl an nau kan chính trị bah wa Boris Johson. Ntơm bah âk khay ma aơ, Thủ tướng Anh Boris Johson ndơn nau mpet đă ndrel nduih lah hô ngăn yor geh nau saơ ƀư ndrel râng âk rnôk leo ngêt sa tâm ăp năm 2020 ndrel 2021 tâm rnôk ma dak Anh dôl mât ăp nau ntrŭnh mpeh nau njrăng rdâng đah srê Covid-19. Bôk năp, wa Boris Johson mô ŭch ndơn ăp nau tih yơn jêh nê hŏ ndơn bah năp Nghị viện Anh lah hŏ geh du đê̆ nau tih, yơn lah rjăp nau păng mô ŭch rlu nau kan./.

Nŭih rblang: H’Thi