VOV4.M'nông: Thủ tướng Áo Karl Nehammer hŏ geh rơh tâm nchră na nê̆ đah nuĭh n'hâm rah rơch n'hanh lhăt jăp đah Tổng thống Nga Vladimir Putin tâm nar 11/4 ta Moscow. Ta rơh mâp đah tổng thống Putin, Thủ tướng Áo mpơl nuih n'hâm tâm rnglăp đah Ukraine n'hanh nduih lah rơh rdôl lơh bah Nga tâm Ukraine. Lah đah báo chí lôch rơh mâp đah kruanh bar dak, Thủ tướng Áo lah rjăp aơ mô di lah du rơh hăn khâl dêh bên nkre lah rjăp mpŏng mbra kơl dŭt bah tâm lơh mô lah rgâl uĕh nô nău aƀaơ, tâm ban kơt đă pơk soih ăp trong hăn kơl nuĭh ƀon lan luh bah ăp nkual ƀon têh geh rdôl lơh ntơm bah nê geh trong tât đah ndơ  ngêt sa, ndơ dŏng khlay. Păng lah rjăp đŏng hŏ njuăl nău mbơh gĭt lor khlay tât Tổng thống Nga lah rơh tâm lơh ân ơm dŭt bah, yor mô geh du hê nuĭh dơi./.

Nuĭh rblang: Điểu Thân