VOV4.M’nông: Thủ tướng Áo Karl Nehammer mhe tât khâl Nga ndrel geh tâm mâp ma Tổng thống Putin. Aơ lah rđau kan Châu Âu bôk năp vơt Tổng thống Nga kơp ntơm rnôk nga ntơm ƀư tâm lơh ta Ukriane. Tĭng Chính phủ Áo, nkô̆ nau bah rơh khâl Nga bah wa Karl Nehammer lah bonh đă nau tâm nchră, nkre ŭch ƀư ăp nau kan gay geh đăp mpăn. Yơn lah, rơh tâm mâp Tổng thống Nga Putin hŏ mô geh nau kơt nau ŭch. Wa Karl Nehammer kŏ mbơh hŏ ntrơn ân Tổng thống Putin nau mbơh mpeh nau kan Tổng thống Ukriane Zelensky ŭch ƀư nau tâm nchră êng đah rđau kan Nga. Mpeh Nga, Kruanh n’gâng kan Sergei Lavrov kŏ lah rjăp, dak aơ mra tâm nchră đah Ukriane./.

Nŭih rblang: H’Thi