VOV4.M'nông: Nar 17/6, Thủ tướng Australia Anthony Albanese an gĭt, păng mbra hăn tât Tây Ban Nha tâm kêng dŭt khay dja gay râng Tâm nchră gưl têh bah Nhih pah kan tâm ton tahen Bắc Đại Tây Dương (NATO)  Thủ tướng Australia lah rjăp aơ mbra lah du rơh hop khlay bah NATO n'hanh nău ntoh ta rơh tâm nchră dja lah du nău kan an hăn lor bah păng. Thủ tướng Albanese an gĭt, bol  mô di lah dak lăp kan nsum NATO, yơn Australia dôl geh ăp  nău rgop dŭt têh gay kơl nău dơi ƀư tơm bah Ukraine n'hanh ntop kơl nuĭh ƀon lan dak dja. Lôch  rnôk Nga rdôl lơh "ma tahen mha êng" ta Ukraine, Australia hŏ nsrôih ntop kơl neh dak Đông Âu mpeh tahen n'hanh prăk kaih lĕ ma hang rhiăng rkeh AUD an ăp  rnoh ndơ kơl n'hanh rvăt năp ndơ dŏng an tahen, tâm nê geh 20 bôk ndeh loih rdeng tahen./.

Nuĭh rblang: Điểu Thân