VOV4.M'nông: Thủ tướng Campuchia Hun Sen hŏ geh rơh tâm nchră pơk sŏng dăng đah nuĭh ndrel gưl kan Malaysia Ismail Sabri Yaakob gay tâm ôp n'hanh tâm rkhăch ăp nkô̆ nău geh tât Myanmar. Ta rơh tâm nchră, Thủ tướng Campuchia Hun Sen hŏ mbơh rtŭt lam nô nău hăn khâl tât Myanmar mhe  aơ n'hanh an lah rơh duh jêr ta Myanmar dŭt krit jêr, mô dơi nkra tâm bar pe nar; nkre păng mĭn lah nău ntrŭnh rlu pănh glêh, dŭt bah tâm lơh n'hanh ntop kơl nuĭh lah ăp nău khlay ân dơi nkra, lơn lah pă an ndơ kơl nuĭh an Myanmar ma mô geh tâm mưch rmot êng. Aƀaơ Thủ tướng Hun Sen dôl pah kan đah n'gâng kan tahen mât bôk Myanmar gay đăp mpăn khân păng tĭng di nău ntrŭnh rlu pănh, tâm ban kơt 5 ntil nău tâm ban ŭch bah ASEAN đŏng. Thủ tướng Malaysia an gĭt mbra râng tâm nchră gưl têh ASEAN 2022 n'hanh ăp rơh hop geh tât ta Campuchia lah nô nău nuh srê Covid-19 hŭch bah oi n'hanh geh nău dơi an./.

Nuĭh rblang: Điểu Thân