VOV4.M’nông: Lơ 4/3, Thủ tướng Đức Olaf Scholz jêng nŭih rđau kan tâm nkuăl Phương Tây mhe ngăn kuăl điện ân Tổng thống Nga Vladimir Putin gay tâm nchră mpeh nau kan ta Ukraine. Điện Kremlin mbơh, tâm rơh kuăl điện tâm nchră, Tổng thống Nga Putin lah rjăp, tâm nau tâm lơh, Nga hŏ ntoh ăp nau kan gay ma mât nau rêh bah ƀon lan Ukraine, lah rjăp ăp nau mbơh mpeh nau păng phao rƀŏng tâm Thủ đô Kiev bah mpeh Ukraine lah nau nkoch mbơh mô ngăn. Mpeh săk nơm, Thủ tướng Đức ntoh nau rvê mpeh nau mbơh rnoh khuch rmanh ndrel ma nau khuch bah Ukraine, kŏ kơt lah nau khuch bah tahen bah 2 ding. Bah năp nê, Thủ tướng Đức kŏ geh Tổng thống Ukraine kuăl điện, mbơh ngih máy điện têh ngăn Châu Âu ta Ukraine geh lơh./.

Nŭih rblang: H’Thi