VOV4.M’nông: Ntoh nau bah năp Quốc hội lơ 12/1 Thủ tướng Đức Ô-láp Xôn lah rjăp, ân geh nchâp chuh vắc xin njrăng rdâng srê Covid-19 ân ăp nŭih têh. Nau ntrŭnh đă aơ hŏ mâp geh nau dun lah bah du đê̆ nŭih ƀư nau kan ndâk njêng pháp luật đah nau ntôn lah tâm nkhah nau tâm rnglăp tâm nau rêh. Tâm rơh nchră mbơh ôp nau tâm Quốc hội, đah nau ƀư Thủ tướng, wa Ô-láp Xôn kơp dơn, ăp nau kan bah Chính phủ mhe gay ƀư rjăp ăp nau ê dơi đah nau rêh nsum mpôl ndrel ntrŭt dăng nau n’hao gay ma njrăng rdâng nau ntưp rêng bah Covid-19. Ndri ma rnôk aơ, rnoh nŭih ntưp lơn ma hao âk, ngăn lah rnoh tâm ntưp rêng bah ntil kman njêng săk Omicron, ndri ân geh âk nau kan rjăp lơn, kơt nau ntơm ƀư nau chuh n’gang lơi./.

Nŭih rblang: H’Thi