VOV4.M'nông: Tâm rơh mâp pơk sŏng dăng đah Thủ tướng Ấn Độ Narendra Modi, Thủ tướng Campuchia Hun Sen hŏ dăn đă ƀư lôch jêh ngăch ăp si ƀŭt nchrăp lor gay ơm tât nău ký ton dah rŏng tăch rgâl đah Campuchia n'hanh Ấn Độ n'hanh ntrŭt ntrôl tâm nchră ngăch ký ton ntuh kơl đah bar dak. Nău dăn đă bah Thủ tướng Hun Sen dơi ndơ̆ luh, rnôk saơ ăp nău kan tâm rsong tăch rgâl đah bar dak hŭch tâm rơh nuh srê Covid-19 ntoh luh, yơn năm 2021 hŏ hao nklăp 300 rkeh USD. Ndrel đah nê, Thủ tướng Hun Sen đă nthoi tay ăp trong mpăr sŏng bah Ấn Độ tât Phnom Penh n'hanh bah Ấn Độ tât Siem Reap gay ntrŭt ntrôl pâl nđaih đah bar dak. Ấn Độ lah du ntŭk tăch rgâl têh săk geh âk an ăp ndơ tăch n'gluh bah Campuchia. Kơp tât aƀaơ, Campuchia hŏ ký ton dah rŏng tăch rgâl bar ding đah Trung Quốc n'hanh Hàn Quốc.

Nuĭh rblang: Điểu Thân