VOV4.M’nông- Nar 26/5, Tổng thống Nga Vladimir Putin n’hanh thủ tướng Italia Mario Đraghi lĕ geh rơh tâm nchră, gay ma doh rklaih ăp rơh mô tŏng ndơ sông sa lam ntur neh. Tổng thống Putin lah na nê̆ Liên bang Nga mbra geh tâm rgop âk ta nău kan ndâk nsơm rơh mô tŏng ndơ sông sa bâh tăch ndơ ngũ cốc n’hanh phân poh, đah nău dơi lah ăp dak phương Tây nklơi jăng nău rmal wăng sa yor nău kan chính trị. Tâm du rơh rƀŭn nchră ta kêng măng ndrel nar, Thủ tướng Italia an gĭt păng lĕ leo kan kuăl điện an nuĭh leo kan Nga, yor saơ nău kan khlăy an geh ƀư, rnôk ma rnoh nău tât bâh rơh uh ah mpeh tâm kơl mbra khuch tât ăp nuĭh ach o ta lam ntur neh. Wa Mario Đraghi lĕ uănh năl, Tổng thống Putin an lah rơh uh ah mô tŏng ndơ sông sa lah nău tih bâh ăp nău rmal.

        Nuĭh rblang: Thị Đoắt