VOV4.M'nông: Thủ tướng mhe Pakistan Shehbaz Sharif nchrăp mbra geh hăn khâl tât Saudi Arabia n'hanh Trung Quốc. aơ lah hăn khâl dak bah dih lor bôk năp bah wa Shehbaz Sharif kơp ntơm bah rnôk ton dơn nău kan. Tĭng tơm nău lư, hăn khâl dak bah dih lor bôk năp bah Thủ tướng mhe Pakistan lah tă bah trong tâm boh têh jong bah dak dja đah lĕ ma Saudi Arabia n'hanh Trung Quốc. Tâm rnôk hăn khâl, wa Shehbaz Sharif mbra geh rơh mâp đah ăp kruanh dâk bôk năp bah bar dak. Lôch rnôk hăn khâl Saudi Arabia, Thủ tướng mhe Pakistan mbra hăn tât Trung Quốc đŏng. Wa Shehbaz Sharif dơi gĭt tât lah nuĭh geh tâm boh êng uĕh đah kruanh Trung Quốc. Tâm năm kan bah năp nê, Thủ tướng Shehbaz Sharif ƀư nău kan rgum tơm tâm nău ntrŭt ntrôl ăp trong nchrăp kan wăng sa Trung Quốc-Pakistan, du gâl khlay tâm trong mĭn mhe "Trong nduar, trong me" bah Trung Quốc./.

Nuĭh rblang: Điểu Thân