VOV4.M’nông: Thủ tướng Nhật Bản Kishida Fumio nar aơ ntơm hăn khâl ngăn tât Ấn Độ tâm 2 nar. Rơh khâl mra geh ntơm ƀư đah rơh rƀŭn gưl prêh Ấn Độ-Nhật nar tal 14 ta Thủ đô New Delhi, ntŭk ma wa Kishida mra geh rơh rƀŭn nchră đah nŭih ndrel gưl kan Ấn Độ Na-ren-dra Mô-đi. Aơ lah rơh hăn khâl dak ba dih bôk năp bah wa Kishida tâm nau ƀư Thủ tướng. Ấn Độ ndrel Nhật Bản geh nau tâm boh kan nsum âk ding tâm nau tâm boh kan nsum ăp ntil nau kan khlay ndrel lam ntur neh. Tâm rơh rƀŭn gưp prêh rơh aơ mra geh nau dơi gay bar ding tâm nchră ndrel n’hao nau tâm boh bar ding tâm âk nau kan, kŏ kơt lah tâm nchră nau mĭn mpeh nau kan tâm nkuăl ndrel lam ntur neh ndrel uănh khlay. Nkô̆ nau lah gay ntrŭt dăng tâm boh kan nsum, đăp mpăn ndrel nâp nâl tâm nkuăl Ấn Độ Dương-Thái Bình Dương ndrel rlau ma nê./.

Nŭih rblang: H’Thi