VOV4.M'nông: Nar 1/6, Thủ tướng Nhật Bản Kishida Fumio hŏ geh rơh kuăl điện tâm nchră đah Tổng thống Pháp Emmanuel Macron. Ta rơh kuăl điện tâm nchră, Thủ tướng Kishida Fumio hŏ mbah rhơn wa Emmanuel Macron geh nău dơi ƀư tay Tổng thống Pháp, nkre uănh khlay tâm boh đah Nhật Bản n'hanh Pháp. Plơng tay, Tổng thống Emmanuel Macron mpơl nău lah uĕh n'hanh mbơh mbra lah rjăp tay tâm boh đah Nhật Bản n'hanh ŭch rŏng n'hao dăng lơn đŏng tâm boh Nhật-Pháp tâm âk trong kan kơt rnă njrăng n'hanh wăng sa. Bar kruanh rđău kan lah rjăp đŏng nău khlay bah nău rmôt ăp dak  công nghiệp hun hao dâk bôk năp lam ntŭr neh kan nsum nkra bah tâm lơh Nga- Ukraina; lah rjăp mbra tâm boh lhăt tâm  ăp nkô̆ nău geh tât nô nău ta Đông Á kơt nkô̆ nău hạt nhân bah Triều Tiên n'hanh châu Phi./.

Nuĭh rblang: Điểu Thân