VOV4.M’nông – Thủ tướng Nhật Bản Kishida Fumio mhe kuăl jă rmôt ăp jâng công nghiệp hun hao têh lam ntŭr neh (G7) an n’hao tâm rnglăp lơn tay gay mât njrăng nău rêh bah ăp nuĭh geh khuch yor nău hao khlay ndơ. Nar 26/6, ntoh ngơi ta rơh rƀŭn bôk năp bah rƀŭn nchră gưl prêh G7 dơi ƀư ta dak Đức, Thủ tướng Nhật Bản an lah, wăng sa lam ntŭr neh dôl mâp dŭt âk jêr jŏt. Thủ tướng Nhật Bản lah rjăp nău khlay gay ăp dak G7 hao ngăch ăp nău nsrôih nsum gay pă an ntop kơl ndơ sông sa an ăp dak dôl hun hao. Tĭng wa Kishida, nău hao khlay ndơ aƀaơ mô knŭng dơh lah du nău wăng sa, ma hô du nău ntŭl rlong đah tâm rnôk đăp mpăn n’hanh tâm rnglăp lam ntŭr neh.

Nŭih blang: Y Sưng Phê Ja