VOV4.M'nông: Lôch geh nău dơi bah Tổng thống Emmanuel Macron ta rơh bầu cử Tổng thống Pháp 2022, Thủ tướng Pháp Jean Castex hŏ ndơ̆ si ƀŭt dăn rlu kan bah păng n'hanh lĕ rngôch chính phủ Pháp, pơk trong an wa Macron sơch du chính phủ mhe an năm kan tâl 2 bah he. Tĭng wa Jean Castex, aơ lah du nău way chính trị ân dơi uănh  khlay n'hanh nău dja mbra kơl an Tổng thống Pháp rdâk njêng tay du rmôt kan mhe đah nuih n'hâm nđơr lơn an năm kan mhe. Yơn lah, tĭng nău dăn bah wa Macron, Thủ tướng Jean Castex mbra gŭ dơn tay nău kan an tât rnôk lĕ pơh dja, mô lah tât bah kơi nar 27/4, rnôk ma Hội đồng Hiến pháp Pháp mbơh geh nău dơi ngăn bah rơh bầu cử Tổng thống Pháp 2022. Dŭt jŏ lah tât nar 2/5, wa Jean Castex n'hanh chính phủ Pháp mbra rlu nău kan./.

Nuĭh rblang: Điểu Thân