VOV4.M’nông - Nar (25/1), Thủ tướng Singapore Lý Hiển Long tât gôl dak Bitan tâm n’gor gôl dak Riau bah Indonesia gay râng Rƀŭn nchră jêt gưl prêh Indonesia-Singapore, rơh bôk năp dơi nthoi tay kơp bah rnôk srê Covid-19 ntoh. Ta rƀŭn nchră rơh aơ, 2 kruanh mbra uănh lah tay ăp nău tâm boh ăp ding kơp bah rnôk rƀŭn nchră gưl prêh dăch aơ đah 2 dak dơi ƀư ta Singapore tâm năm 2019; tâm nchră mpeh ăp trong pơk hvi kan ndrel tâm ăp nău kan ma 2 dak ndrel kơl ntrôl; tâm rgâl nău mĭn êng nơm mpeh du đêt nău lam ntŭr neh n’hanh nkual. 2 kruanh rđău kan nchrăp uănh ƀư ký ton 3 văn kiện khlay geh Tâm ton dăp tay n’har bri nkual mbơh mpăr Jakarta n’hanh nkual mbơh mpăr Singapore; Hiệp định dẫn độ n’hanh nău mbơh nsum đah Kruanh n’gâng kan mât njrăng bri dak 2 dak mpeh Tâm ton kan ndrel Mât njrăng bri dak năm 2007 n’hanh tâm ton ƀư tĭng nkual tiărr tin tahen.

Nŭih blang: Y Sưng Phê Ja