VOV4.M’Nông-Nuĭh leo kan bâh âk ngih dak, dŭt âk tât bâh châu âu n’hanh ndơn kan ăp ntŭk kan lam ntur neh rgum ta Thụy Sĩ gay ma nchră mpeh du nău nchrăp Macxon (Marshall)” an Ukraine. Geh ƀư tâm 2 nar 4 n’hanh 5/7, rơh rƀŭn nchră joi trong nchrăp kan an nău njêng tay Ukraine nđâp ma rnôk tâm rkeh đah dak aơ n’hanh Nga hôm nha geh âk. Tĭng nău mbơh bâh Tổng thống thụy Sĩ Ích-na-di-ô Ca-xít (Ignazio Cassis), nău ƀư rơh rƀŭn nchră ăp lah dŭt khlăy. Tổng thống Ukraine tât râng rơh rƀŭn nchră tĭng trong trực tuyến, nkre lah đă mpôl kan geh 100 nuĭh tât ta Thụy Sĩ. Tâm nchră mpeh nău nchrăp Măcxôn” an Ukraine aƀaơ lĕ jêng bôk nău geh mât uănh ta ăp dak kan ndrel phương Tây. EU lĕ dăn đă ăp nău nsrôih njêng tay jêng geh Ukraine tâm rgop đah ăp dak EU, G7 n’hanh G20, tâm ban kơt leo ƀư n’hanh njêng tay tơm prăk lam ntur neh.

Nuĭh rblang: Thị Đoắt