VOV4.M’nông: Triều Tiên kơt lah hŏ nchrăp gay ma ơm geh ƀư rlong ndrak nsiu. Aơ lah nau năl mhe geh Tổng Giám đốc ntŭk kan ŭnh nar ndrak nsiu lam ntur neh (IAEA) Rafael Grossi dôl gŭ khâl Nhật Bản mbơh rnôk ơh nau ôp bah ntŭk ntoh rup NHK. Nŭih dâk bôk IAEA leo mbơh ăp rup vệ tinh mpeh nau kan bah ndil ndrak nsiu bah Triều Tiên ma ntŭk kan aơ mhe geh rgum saơ dăch aơ ân saơ nau ma Triều Tiên kơt lah dôl ntơm ƀư tă bah rnôk ơm ngăn leo nau ntrŭnh rlong du rơh ndrak nsiu mhe. Tĭng wa Grossi, IAEA rơh tât mra lŏ ntrŭt dăng ăp nau mêt uănh mpeh nau kan ndrak nsiu bah Triều Tiên. Ăp nau ton lah aơ geh Tổng Giám đốc IAEA ndơ̆ luh mhe aơ jêh ăp n’gâng kan gưl prêh bah Mỹ mhe aơ nkah mpeh nau dơi Triều Tiên rlong ndrak nsiu tâm rnôk Tổng thống Joe Biden geh rơh khâl Châu Á bôk năp./.

Nŭih rblang: H’Thi