VOV4.M’nông – Tổng thống Joe Biden lĕ lah rnê rhơn VinFast ndâk ƀư ngih măy nkra njêng pil n’hanh ô tô điện ta bang bah lơ North Carolina. Tổng thống Biden an gĭt VinFFast mbra ndâk ƀư du ngih măy nkra njêng pil n’hanh ô tô điện ta bang Carolina đah prăk ntuh kơl 4 rmen đôlar. Tĭng Tổng thống Biden, nău nchrăp ƀư aơ mbra geh rlău 7 rbăn nău kan n’hanh hang rhiăng rbăn ndeh ô tô nđiện n’hanh pil dŏng an ndeh aơ tâm năm tât. Tổng thống Biden lah rjăp, nău nchrăp ƀư bah VinFast lah ntĭt nsa mhe ngăn đah trong wăng sa bah pơng jêh rnôk ăp công ty êng geh GM, Ford n’hanh Siemens mbơh ntuh kơl ta Mỹ n’hanh nta an nău kan ta aơ. Tổng thống Biden mĭn lah ăp nău nsrôih ndâk njêng jâng wăng sa ŭnh nar kloh uĕh dôl ntrŭt ăp công ty nkra njêng âk lơn ta Mỹ, ndâk njêng tay ntŭk pă an ta Mỹ n’hanh n’hŭch rnoh khlay an nuĭh ƀon lan Mỹ.

Nŭih blang: Y Sưng Phê Ja