VOV4.M’nông – Jêh rnôk Triều Tiên pănh âk grăp phao ŭnh lot dăch rlău dak lêng tâm ôi (5/6), Ntŭk Tổng thống Hàn Quốc mhe ntĭm rđău ăp kruanh dak aơ n’hao ntêt nkri n’hanh tâm rgop njrăng n’gang nsum đah Hàn Quốc n’hanh Mỹ. Tổng thống Yoon Suk-yeol lĕ đă mât nchrăp kơt nâp nâl njrăng n’gang nsum đah Hàn Quốc-Mỹ, geh ăp rơh nti njrăng n’gang grăp phao ŭnh. Nău kuăl jă lĕ ndơ̆ rơh rƀŭn jêh rnôk ăp nuĭh bah Hội đồng rnă njrăng ngih dak mbơh jêh rơh rƀŭn bah hội đồng aơ jêh nău pănh bah Triều Tiên. Tâm rơh rƀŭn bah Hội đồng Rnă njrăng ngih dak yor Nuĭh ntĭm kơl nău kan rnă njrăng ngih dak Kim Sung-han ƀư tơm, ăp kruanh uănh lah prêh ăp nău pănh grăp phao ŭnh bah Triều Tiên lah du nău rlong đah nu nău rnă njrăng bah Chính phủ mhe ta Hàn Quốc.

Nuĭh rblang: Y Sưng Phê Ja