VOV4.M'nông: Tâm rnôk ăp nuĭh ntưp mhe Covid-19, lơn lah ăp nuĭh ntưp njêng săk mhe Omicron hao ngăch, Tổng thống Indonesia – wa Joko Widodo hŏ kuăl jă ăp nuĭh lơi ir rsong hăn n'hanh ăp công ty ân mĭn uănh nău dơi an nuĭh gŭ pah kan ta jay. Nău kuăl jă bah Tổng thống Joko Widodo dơi ndơ̆ luh tâm rnôk Indonesia năl geh ăp nuĭh ntưp mhe Covid-19 hao âk tay, đah bơi 2.000 nuĭh ntưp Covid-19 ăp nar. Tât aƀaơ, Indonesia hŏ năl geh 882 nuĭh ntưp njêng săk mhe Omicron, lơn âk lah ăp nuĭh lăp gŭ geh 174 nuĭh ntưp tâm lam ƀon lan. Thủ đô Jakarta dôl lah "ntŭk duh hô" Covid-19 đah rlău 1.000 nuĭh ntưp mhe Covid-19 ăp nar n'hanh nuh srê hŏ ntưp rêng dŭt đêt tât 43 nhih nti./.     

Nuĭh rblang: Điểu Thân