VOV4.M'nông: Nuĭh nsŏng kơl rnă njrăng neh dak Mỹ Jake Sullivan mhe geh rơh kuăl điện tâm nchră đah nuĭh ndrel gưl kan Hàn Quốc Kim Kim Sung-han. Nkô̆ rơh kuăl điện tâm nchră gay tâm mbơh trong hăn khâl bơi tât bah Tổng thống Joe Biden tât Hàn Quốc. Ta rơh kuăl điện tâm nchră, bar ding ndrel tâm ban ŭch an lah rơh mâp bơi tât đah Tổng thống bar dak mbra lah rnôk gay mpơl suan dăng tâm rgop Mỹ-Hàn. Bar ding nduih lah ăp rơh rlong grăp ŭnh bôk ndrak bah Triều Tiên lĕ ma ăp rơh rlong ntơm bah nar 12/5 n'hanh uănh aơ lah nău kan tih ăp nghị quyết bah Hội đồng bảo an. wa Sullivan n'hanh wa Xung-han ton mât uĕh trong tâm boh lhăt gay nkra ăp nău tât ntêt nkri bah Triều Tiên tâm ban kơt ntrŭt ntrôl rnoh tât kan nsum ƀư bah hạt nhân ta gôl dak Triều Tiên đŏng. Tĭng trong nchrăp, Tổng thống Joe Biden mbra hăn Hàn Quốc n'hanh Nhật Bản ntơm bah 20 tât 24/5. 

Nuĭh rblang: Điểu Thân