VOV4.M'nông: Tổng thống Mỹ Joe Biden nar 20/5 tât thủ đô Seoul, ntơm hăn khâl ngăn 4 nar tât Hàn Quốc n'hanh Nhật Bản. Aơ lah hăn khâl jong nar lor bôk năp bah wa Joe Biden tât châu Á kơp ntơm bah rnôk dơn nău kan đah aƀaơ 17 khay n'hanh ƀư tâm du pơh bah kơi lôch Tâm nchră gưl têh Mỹ- ASEAN ta Nhih klo. Nău ŭch lah gay êt lhăt lơn đŏng tâm boh đah ăp băl mpôl têh jong, tâm ban kơt ntrôl dăng tâm boh wăng sa mhe têh jong ta Ấn Độ Dương- Thái Bình Dương. Kruanh rđău kan Mỹ mpơl nău ŭch rŏng krêp dêh jŏ jong đah ăp dak băl mpôl, lah rjăp nuih n'hâm tâm rnglăp gay rdâng lơh đah ăp ntul rlong tâm rnôk duh jêr hô ta Ukraina n'hanh hŭch hêng wăng sa. Mỹ mpŏng mbra ntrŭt ntrôl Hàn Quốc râng Rmôt nkôp puăn mhe dơi njêng đah Mỹ, Ấn Độ, Australia n'hanh Nhật Bản gay njêng luh du mpôl tâm rgop kan têh hvi ta châu Á, đah Mỹ lah rgum tơm. Yơn lah, nău dja mô di lah Nhật Bản geh njŭr dêh lơn n'hanh hăn khâl bah wa Joe Biden lah nău plơ̆ lah rjăp tay nău khlay kan bah Nhật Bản kơt du dak băl mpôl khlay, rgop mât du mpôl kan tâm rgop têh hvi bah Mỹ ta châu Á./.

Nuĭh rblang: Điểu Thân