VOV4.M’nông - Tổng thống Pháp Emmanuel Macron mhe ndơ̆ nău tâm rlong gay joi du trong dơi tâm rơh săch tổng thống Pháp, nchrăp mbra ƀư tâm khay 4 tât. Ntoh ngơi ta du rơh rƀŭn, wa Macron ton mbra ndơ̆ neh dak Pháp jêng du dak đăp mpăn mĭn nchrăp êng lah dơi dăng tâm năm kan tal 2. Pơng an lah: nkô̆ nău khlay bah n’hêl na nê̆ nău rdâng đah ăp nău duh jêr. Tă bah ăp nău blău ơm tĭng nău duh jêr lĕ n’glơi an, mbra ndơ̆ neh dak jêng du dak đăp mpăn êng tâm du châu Âu janh dăng. Wa Macron mbơh trong nchrăp rgâl nkra ta âk nău kan, kơt wăng sa, văn hóa, lŏ mir, mât njrăng bri dak, ntĭm nti, tâm ban bu ur bu klô, đăp mpăn nău rêh jêng.

Nŭih blang: Y Sưng Phê Ja