VOV4.M'nông: Nar aơ (30/6) ta thủ đô Manila bah Philippines ƀư lễ dơn nău kan bah Tổng thống Philippines Ferdinand “Bongbong” Marcos Jr. Tĭng Ủy ban ƀư tơm nar dơn kan, wa Marcos mbơh ton dơn nău kan Tổng thống năm kan 2022-2028 ta Bảo tàng Quốc gia ta thủ đô Manila. Tổng thống mbra geh si ƀŭt răk ton dơn nău kan. Kruanh rđău kan ăp dak râng lễ ton dơn nău kan geh Groi kruanh Trung Quốc Vương Kỳ Sơn, Mpôl ntơh măt bah Mỹ tă bah wa Douglas Emhoff, sai Groi Tổng thống Kamala Harris leo hăn..rlău 16 rbăn nuĭh mât rnă njrăng bah mpôl cảnh sát neh dak, Mpôl tahen Philippines n'hanh ăp nhih pah kan chính phủ êng ƀa ƀă hŏ dơi n'hao mât rnă njrăng an nar ton dơn nău kan. Tĭng du rơh ôp suăng lor nău lư dŭt mhe bah hãng tin Publicus Statement, 73% nuĭh ƀon lan Philippines mpŏng lah nkô̆ nău wăng sa dơi an ƀư lor bôk năp đah n'gâng kan mhe bah wa Marcos. 

Nuĭh rblang: Điểu Thân