VOV4.M'nông: Di tâm rnôk nkah ndray 20 năm đăp mpăn Timor Leste 20/5, nuĭh geh dơn ndơ nkhôm rnê giải Nobel hòa bình Jose Ramos Horta hŏ ton dơn ngăn nău kan, jêng Tổng thống tâl 5 bah dak dja. Tâm du nău lah dơn nău kan ma 4 ntil nău ngơi ta nhih pah kan Tổng thống ta thủ đô Dili, wa Ramos-Horta ton jêng Tổng thống yor ma nuĭh ƀon lan Cộng hòa Timor Leste. Tổng thống mhe ton mât njrăng, ƀư tĭng n'hanh uănh khlay hiến pháp, jut jăng ji ngot hŭch ach o, rgâl uĕh ntŭk rhŏ dŏng kan dak si an me n'hanh kon se, ntrŭt ntrôl tâm dâl nău gay rdâk tay đăp mpăn chính trị. Nuĭh geh nkhôm rnê giải Nobel hòa bình kuăl jă tâm rnglăp rnoi nuĭh đah ăp mpeh tâm ndôn đŏng n'hanh rdâk njêng đăp mpăn jŏ jong ma ma trong tâm dâl nău n'hanh tâm uănh khlay nsum./.

Nuĭh rblang: Điểu Thân