VOV4.M'nông: Tổng thống Mỹ Joe Biden nar 19/5 ntơm hăn khâl jong nar tât châu Á lor bôk năp ntơm bah rnôk hao mât bôk kan tâm năm 2021 đah ntŭk tât lah 2 dak băl mpôl khlay lah Hàn Quốc n'hanh Nhật Bản. Tổng thống Mỹ Joe Biden lôch hăn tât Hàn Quốc mbra geh rơh mâp đah Tổng thống mhe Hàn Quốc Yoon Suk-yeol tâm nar aơ 21/5. Tĭng hãng tin Yonhap, bôk nău kan bah rơh tâm nchră gưl têh đah bar kruanh rđău kan Mỹ- Hàn Quốc mbra lĕ ma nkô̆ kơt n'hao dăng mât rnă njrăng wăng sa bar ding, rdâng lơh đah nău ntêt nkri grăp ŭnh, hạt nhân bah dak Triều Tiên n'hanh mât kân bah nău ring tam bah Trung Quốc. Lôch rlu jâng ta Hàn Quốc, Tổng thống Mỹ Joe Biden mbra hăn tât Nhật Bản gay tâm nchră đah Thủ tướng dak tơm jay Kishida Fumio tâm nar 23/5, tâm nchră mpeh nău nsrôih tâm boh băl mpôl bar ding tâm ban kơt đăp mpăn tŏng geh ăp tơm ndơ mpêt khlay đŏng./.

Nuĭh rblang: Điểu Thân