VOV4.M’Nông-  Ntŭk kan Chính phủ Mỹ mhe geh mbơh Tổng thống Joe Biden mbra tât khâl Hàn Quốc n’hanh Nhật Bản bâh nar 20/5 tât 24/5. Tĭng nuĭh ntoh nău ngơi văn phòng chính phủ Mỹ Jen Psaki, rơh tât khâl gay ma ntrôl nău tâm ton nău kan bâh n’gâng kan Tổng thống Biden đah du Ấn Độ Dương - Thái Bình Dương đăp mpăn êng n’hanh pơk hvi  tâm ban kơt ăp nău tâm rgop kan ndrel đah Mỹ n’hanh Hàn Quốc n’hanh Nhật Bản. Ta rơh tât khâl aơ, Tổng thống Biden mbra tâm nchră đah bar ding đah Tổng thống mhe săch kan Hàn Quốc Yoon Suk Yeol n’hanh Thủ tướng Nhật Bản Kishida Fumio. ăp ding mbra tâm nchră ndâk nsơm nău tâm boh kan rnă njrăng na nê̆, n’hao nău tâm boh kan wăng sa n’hanh pơk hvi nău tâm kơl na nê̆ gay ma dơi geh ăp nău geh na nê̆.

Nuĭh rblang: Thị Đoắt