VOV4.M'nông: Nar 17/6, Tổng thống Mỹ Joe Biden hŏ ƀư tơm rơh hop gưl têh pơk sŏng dăng rgum nchră ăp jâng wăng sa hun hao mpeh ŭnh nar n'hanh n'hâm sial. Lah ta rơh rgum nchră, Tổng thống Joe Biden kuăl jă ăp jâng wăng sa têh nsrôih rdâng lơh đah duh jêr rgâl duh  nđik trôk nar, nkre nkra ndăn ngăch nkô̆ nău mpeh rnoh khlay ŭnh nar ta lam ntŭr neh ntoh bah rơh tâm lơh Nga – Ukraine. Bah năp nê, tâm bôk năm aơ, Mỹ hŏ ƀư rơh hop gưl bộ trưởng bah rgum nchră ăp jâng wăng sa têh mpeh ŭnh nar n'hanh n'hâm sial đah nău ƀư tơm bah nuĭh đă hăn kan mha êng Tổng thống mpeh n'hâm sial John Kerry. Rơh hop hŏ n'glôch jêh ăp nău dơi n'hanh ndơ̆ luh an Tâm nchră gưl têh mpeh rgâl duh nđik trôk nar COP27, ntrŏng ăp trong nchrăp gay n'hao dăng rdâng lơh rgâl duh nđik trôk nar, n'hao dăng nău kan an rgâl uĕh  duh nđik trôk nar n'hanh ŭnh nar./.

Nuĭh rblang: Điểu Thân