VOV4.Mnông- Tổng thống Mỹ Joe Biden nar 7/3 lĕ tâm nchră đah Tổng thống Pháp, Thủ tướng Đức n’hanh thủ tướng Anh. Nuĭh leo kan ăp dak lĕ lah na nê̆ kơl n’hao nău rmal đah Nga. Tĭng nău mbơh bâh Nhà Trắng, nuĭh leo kan ăp dak Mỹ, Anh, Pháp, Đức lĕ lah na nê̆ nău nsrôih an geh n’hao tay nău khuch khat đah Nga yor lĕ rgŏ jă nău tâm lơh ta Ukraine. Ăp ding lĕ lah na nê̆ tâm ton ƀư tay pă ndơ tâm kơl kon nuĭh, nău wăng sa n’hanh rnă njrăng an Ukraine nkre lah tâm ton mpeh nkô̆ nău ăp rơh tâm mâp dăch aơ bâh nơm đah Tổng thống Nga n’hanh Ukraine. Tâm du nău tât geh, 4 nuĭh kan ndrel gâl têh bâh Ủy ban mât leo trong kan n’hanh ndơ dŏng bâh Hạ viện n’hanh ủy ban tơm prăk bâh Thượng viện Mỹ an gĭt mbra nchrăp du luật gay ma đă lru nău tăch rgâl đah Nga n’hanh Belarus n’hanh gâl dơn nău kan an Tổng thống geh n’hao thuế đah drăp ndơ rvăt bâh bar dak aơ.

Nuĭh rblang: Thị Đoắt