VOV4.M'nông: Nar 17/02, Điện Kremlin an gĭt, tĭng nău mĭn mhe bah mpeh Nhật Bản, Tổng thống Nga Vladimir Putin hŏ geh rơh kuăl điện tâm nchră đah Thủ tướng Nhật Bản Fumio Kishida mpeh ăp nău mât đăp mpăn rnă njrăng bah Nga, nô nău wăr Ukraine n'hanh tâm boh bar ding. Tĭng Điện Kremlin, ta năp nău uănh khlay bah Thủ tướng Nhật Bản, Tổng thống Nga Putin hŏ mbơh na nê̆ mpeh nău kan dôl ƀư đah Mỹ n'hanh ăp dak NATO gay ntrŭt ntrôl đăp mpăn nău dơi tâm di jŏ jong an rnă njrăng bah Liên bang Nga. Rlău ma nê, kruanh rđău kan Nga hŏ nkoch na nê̆ mpeh tơm luh n'hanh nkô̆ jêng tâm lơh tâm su Ukraina, tor luh ăp trong nkra dơi tât bah Nga gay nkra bah tâm lơh dja tâm di đah trong nkra Minsk n'hanh ăp nău n'glêh an mhe aơ ta Normandy.

Nuĭh rblang: Điểu Thân