VOV4.Mnông- Ntŭk kan ntoh rup ngih dak Nga Rossiya-1 nar 16/1 ndơ̆ nău. Tổng thống Vladimir Putin mbra geh rơh tâm mâp đah Tổng thống Iran Ibrahim Raisi ta pơh tât tay ta Matxcơva, rnôk Nga nsrôih vơt kơl nău tâm ton hạt nhân đah ăp dak têh ndrŏng ta lam ntur neh n’hanh Iran. Nău mbơh mô geh mbơh mơh rnôk nar na nê̆ rơh tâm mâp đah 2 hê nuĭh leo kan tâm ban kơt ăp nău mbra geh tâm nchră. Nga lah 1 ding tât râng ăp rơh tâm nchră gay ma ndâk nsơm nău tâm ton hạt nhân năm 2015 đah Iran n’hanh ăp dak têh ndrŏng ta lam ntur neh. Kruanh n’gâng kan nchră nău đah dak bah dih Nga Sergei Lavrov mhe aơ an gĭt lĕ dơi geh nău mhe ta ăp rơh tâm nchră gay ma ndâk nsơm nău tâm ton.

Nuĭh rblang: Thị Đoắt