VOV4.M’nông - Điện Kremlin an gĭt, tâm rơh điện tâm nchră đah nuĭh tâm ban gưl kan Emmanuel Macron nar nđaơ (3/5), Tổng thống Vladimir Putin mĭn lah, bôl nău nchrăp mô rjăp bah Ukraine, Nga hôm e nchrăp tâm nchră. Tâm rơh điện tâm nchră, Tổng thống Vldimir Putin an lah ăp dak Liên minh Châu Âu thơ tha nău tih tâm lơh yor rmôt Ukraine ƀư, nĕ lah ăp rơh pănh phah tâm ăp ƀon n’hanh nkual ƀon têh ta Donbass ƀư âk nuĭh ƀon lan khĭt. 2 kruanh dak Nga n’hanh Pháp tâm nchră đŏng mpeh rnă njrăng ndơ sông sa lam ntŭr neh. Tổng thống Macron nkoch klach rvê mpeh nău mât rnă njrăng ndơ sông sa lam ntŭr neh. Tâm rnôk Tổng thống Putin ntôn nău ntêt nkri đah rnă njrăng sông sa lam ntŭr neh bôk năp lah yor ăp nău đă rmal bah phương Tây.

Nuĭh rblang: Y Sưng Phê Ja