VOV4.M'nông: Nar 14/03, tĭng Điện Kremlin, Tổng thống Nga V.Putin n'hanh Thủ tướng Israel  Naftali Bennett hŏ kuăl điện tâm nchră na nê̆ mpeh nô nău Ukraina. Ta rơh kuăl điện tâm nchră, bar kruanh hŏ tâm nchră mpeh nô nău hăn lơh ma tahen mha êng gay mât njrăng ăp dak cộng hòa Donbass. Kruanh rđău kan Nga hŏ an gĭt tât nău kan mhe bah tahen Ukraina lah rdôl lơh ma grăp ŭnh tâm nklang bah Donetsk ma trong dŏng ƀom, ndrak rkŭm, jêng tât khĭt rmanh âk an nuĭh ƀon lan ngăn tâm nkual ƀon têh. Mpeh bah nơm, Thủ tướng Israel Bennett hŏ mbơh an Tổng thống Nga mpeh ăp rơh mâp mhe aơ bah păng đah ăp kruanh rđău kan bah ăp dak êng êng mpeh nô nău Ukraina. Tổng thống Putin hŏ nkoch đah păng mpeh rnôk tâm nchră đah ăp nuĭh ntơh măt bah Nga n'hanh Ukraina, dôl ƀư ăp nar dja ma trong pơk sŏng dăng./.  

Nuĭh rblang: Điểu Thân