VOV4.M’nông- Nar 3/3, ta rơh tâm nchră, Tổng thống Nga V.Putin n’hanh Tổng thống Pháp E.Macron lĕ geh tâm mbơh ngơi răng dăng mpeh nău ta Ukraine. Nuĭh leo kan Nga lah đah Tổng thống Macron an lah, nău Ukraine mô hoch tâm nchră mbra jêng tât ăp nău ŭch đă mhe bâh Nga. Tổng thống Nga V.putin lĕ geh mbơh bar nău tơm khlăy bâh Nga ta ăp rơh tâm nchră đah Ukraine, nĕ lah mô dŏng tahen n’hanh nău nchrăp kan rgum nsum bâh Ukraine, gay ma nău ntêt nkri đah Liên bang Nga mô geh ntoh luh abah nkual neh khân păng. Tổng thống Putin nkah đă, nău kan tahen dôl geh ƀư tĭng di nău nchrăp n’hanh tahen Nga dôl ƀư ăp nău kan mbra dơi gay ma kơl rêh nuĭh ƀon lan. “Phao blêu sŏng di âk geh dŏng gay ma ƀư lơh rai ntŭk gŭ kan tahen”. Nga mbra tâm kơl đah ăp dak bah dih gay ma doh rklaih lor ăp nău ndal mpeh tâm kơl kon nuĭh.

Nuĭh rblang: Thị Đoắt