VOV4.M’nông – Tổng thống Nga Putin lĕ geh rơh điện tâm nchră đah Tổng thống Pháp Emmanuel Macron mpeh nu nău Ucraina n’hanh trok prăk gaz an Matxcơva đah prăk rúp. 2 nuĭh kruanh Nga-Pháp tâm rgâl nău mĭn êng nơm mpeh ăp ding duh ndal bah nău hun hao nu nău wăr Ucraina, geh n’ăp nău uănh mĭn tay rwăch tâm nchră bah kơi đah ăp ntoh măt bah Nga n’hanh Ucraina lĕ lôch ta Istanbul. Tâm rơh điện tâm nchră nău kơl nuĭh dơi geh dŭt uănh. Tổng thống Nga lĕ nkoch na nê̆ ăp trong mkra ma tahen Nga dôl ƀư gay ntop kơl nuĭh ndal n’hanh đăp mpăn nău trơn nuĭh ƀon lan. Nuĭh kruanh Nga lah rjăp, gay mkra nu nău kơl nuĭh jêr jŏt ta nkual ƀon têh, ăp tahen rnoi mpôl Ucraina an rlu dun tay n’hanh ntlơi ndrăk nsiu. Tổng thống Nga-Pháp Putin n’hanh Macron lĕ ŭch tâm mâp tâm ôp tay.

Nŭih blang: Y Sưng Phê Ja