VOV4.M'nông: Nar 9/5, dak Nga khuh n'gôr nkah ndray 77 năm Nar lơh dơi phát xít tâm rơh tâm lơh mât njrăng neh dak Têh khlay. Tổng thống Nga Vladimir Putin hŏ râng rơh n'grĭng tahen bah "Binh đoàn rêh mbro" ta Quảng trường Đỏ-thủ đô Moscow. Ta ti păng lah rup drô bơ̆ păng nơm, nuĭh hŏ râng tâm lơh Mât njrăng neh dak Têh khlay n'hanh geh rmanh. Ta thủ đô Moscow, geh nklăp 1 rkeh nuĭh râng ntroh hăn, đah ăp păng rup bah ăp tahen ơm ndjôt ta ti, kao, cờ Nga, cờ lơh dơi. Rlău ma nê, ăp nuĭh hăn jâng đah ăp păng rup bah ăp nuĭh hŏ khĭt tâm lơh ma tahen mha êng bah Nga ta Ukraina. Nău kan dja ƀư ăp ntŭk lam dak Nga đŏng. Tĭng Bộ Quốc phòng Nga, rơh n'grĭng tahen thủ đô Moscow mbra geh nău tât râng bah 11.000 tahen, 131 ndơ dŏng tâm lơh./.  

Nuĭh rblang: Điểu Thân