VOV4.M'nông: Nar 22/4, Tổng thống Nga Vladimir Putin hŏ geh rơh kuăl điện tâm nchră đah Kruanh Hội đồng châu Âu Charles Michel. Wa Putin nduih mpeh Ukraine hŏ mô dơn ngoăy tâm ăp rơh tâm nchră n'hanh mô nchrăp joi du trong nkra ma bar ding mbra dơi dơn. Kruanh Hội đồng châu Âu Charles Michel hŏ mbơh rtŭt glêh an Tổng thống Nga Putin mpeh ăp rơh mâp bah păng đah kruanh rđău kan Ukraine tâm rnôk hăn khâl Kiev mhe aơ. Tâm rnôk nê, Tổng thống Nga Putin mbơh an wa Michel ăp nău tơm khlay mpeh trong hăn lơh ma tahen mha êng bah dak dja ta Ukraine n'hanh an gĭt Nga dôl tĭng ƀư ăp njuat gay mât njrăng ƀon lan ngăn ta Ukraine, lĕ ma nău pơk ăp trong kơl nuĭh ăp nar tâm ban kơt nău mbơh dŏng "trong ƀư mô rtoh nteh" gay ntrơn du nuĭh ƀon lan ngăn luh bah ăp nkual tâm lơh./.

Nuĭh rblang: Điểu Thân