VOV4.M’nông – Nar nđaơ (29/5) Tổng thống Nga Vladimir Putin n’hanh nuĭh tâm ban gưl kan Serbia Aleksandar Vucic lĕ ƀư điện tâm nchră mpeh nău tâm boh ăp ding; tâm nĕ geh nău Serbia tâm ban ŭch tâm ton rwăt ndơ su bah Nga tâm 3 năm. Tâm ton dơi tâm ban ŭch đah châu Âu hao nău mpet tât Serbia gay n’hŭch nău knơm tâm tơm ndơ su Nga; tâm rnôk tâm ton pă an ndơ su 10 năm an Serbia bah Tập đoàn Gazprom-Nga mbra lôch tâm nar 31/5 tât. Bôl geh ŭch nglăp nsum Liên minh châu Âu, yơn na nê̆, Serbia dôl geh ăp nău mpet bah Rmôt aơ tâm nău kơl n’hŭch knơm tâm ndơ su Nga, kơt râng rmal nchrŏng tâm dak Nga geh tât nu nău Ukraina. Tâm rơh điện tâm nchră, 2 nuĭh kruanh Nga n’hanh Serbia lĕ tâm nchră mpeh nu nău ta Kosovo n’hanh Ukraina.

Nŭih blang: Y Sưng Phê Ja