VOV4.M’nông - Tổng thống Phần Lan Sauli Niinisto nar 17/5 lĕ ntơm hăn khâl 2 nar tât Thụy Điển, jêh rnôk lĕ 2 dak aơ ntrŭnh ndơ̆ sam ƀŭt nglăp nsum Rmôt kan Hiệp ước Bắc Đại Tây dương (NATO). Tổng thống Phần Lan Sauli Niinisto lĕ geh rơh mâp đah kđăch Carl XVI Gustaf ta cung điện hoàng gia. Jêh rơh rƀŭn ta cung điện, Tổng thống Phần Lan geh nău ntoh ngơi bah năp quốc hội Thụy Điển n’hanh jêh nĕ mâp Thủ tướng Thụy Điển. Rơh khâl aơ geh tâm rnôk Thụy điện n’hanh Phần Lan dôl ndrel ndơ̆ sam ƀŭt dăn nglăp nsum NATO. Tổng thống Phần Lan mĭn lah, ăp nău kơl rnă njrăng 2 dak bah jŏ lĕ tâm ban n’hanh aƀaơ, rnôk nu nău nkual joi đă, lĕ 2 dak ƀư ăp njoăt trong hăn bah nơm.

Nuĭh rblang: Y Sưng Phê Ja